ରାଇଘର – ନବରଙ୍ଗପୁର ଜିଲ୍ଲା ରାଇଘର ର ପ୍ରସିଦ୍ଧ ମା କଳସୀ ଠାକୁରାଣୀ ଙ୍କ କଳସୀ ଯାତ୍ରା ଆଜି ବହୁ ଆଡମ୍ବର ସହକାରେ ଆରମ୍ଭ ହୋଇଛି ଓ ଚୈତ୍ର ମାସ ତୃତୀୟ ମଙ୍ଗଳବାର ଦିନ ଏପ୍ରିଲ ୧ ଠାରୁ ମା ଙ୍କ ଯାତ୍ରା ଆରମ୍ଭ ହୋଇଯାଇଛି ସେହି ଦିନ ଠାରୁ ମା ଧରା କୁ ଆସି ଗ୍ରାମ ପରିକ୍ରମା କରି ୮ ତାରିଖ ଦିନ ନିଜ ମନ୍ଦିର କୁ ଯିବେ।୮ ଦିନ ଧରି ଗ୍ରାମ ପରିକ୍ରମା କରି ଲୋକ ଙ୍କ ଦୁଃଖ ଲାଘବ କରି ପୁଣି ନିଜ ମନ୍ଦିର କୁ ଚାଲିଯାଆନ୍ତି।ମାଆ କଳସୀ ମନ୍ଦିର ପୂଜକ ପରଦେଶୀ ପୂଜାରୀ ମା ଙ୍କ ପୂଜାର୍ଚ୍ଚନା କରନ୍ତି।
କଳସୀ ମଣ୍ଡେଇ ରାଇଘର ଅଞ୍ଚଳ ର ଏକ ବଡ଼ ଓ ପ୍ରସିଦ୍ଧ ଯାତ୍ରା । ଉକ୍ତ ଯାତ୍ରା ରେ ସାତପାଲି ଗ୍ରାମ ର ମୁଖିଆ ଉପସ୍ଥିତ ରହିଥାନ୍ତି। ସୀମାନ୍ତ ତଥା ଛତିଶଗଡ ଅଞ୍ଚଳ ର ଲୋକେ ମଧ୍ୟ ଏହି ଯାତ୍ରା ଦେଖିବାକୁ ଆସନ୍ତି। ମାଆ ଙ୍କ କଳସୀ ଯାତ୍ରା ଶେଷ ଦିନ ମଣ୍ଡେଇ ଯାତ୍ରା ହୁଏ ଓ ଏହି ମଣ୍ଡେଇ ଯାତ୍ରା ୫ ଦିନ ଧରି ଚାଲିଥାଏ। ଏହି ମଣ୍ଡେଇ ଯାତ୍ରା ରେ ଓଡ଼ିଶା , ଆନ୍ଧ ସହ ଛତିଶଗଡ ଅଞ୍ଚଳ ର ବ୍ୟବସାୟୀ ବ୍ୟବସାୟ କରିବାକୁ ଆସିଥାନ୍ତି। ୫ ଦିନ ଧରି ମୀନା ବଜାର ଅନୁଷ୍ଠିତ ହୁଏ । ମଣ୍ଡେଇ ଯାତ୍ରା କିଭଳି ସୂରୁଖୁରୁ ରେ ଶେଷ ହେବ ସେ ନେଇ ପୋଲିସ ପ୍ରଶାସନ ଓ ମନ୍ଦିର କମିଟି ମଧ୍ୟ ସଜାଗ ହୋଇଥାନ୍ତି।
